کازمی فەرمان دەێد وە کۆتای هاوردن مەترسی راسییگ و چەسپانن دەسەڵات دەوڵەت
شەفەق نیوز/ موستەفا کازمی فەرماندەی گشتی هێزە چەکدارەگان سەرۆک وەزیران، ئمڕوو پەنجشەممە، فەرماندا وە کۆتایی هاوردن سیمای چەک بەڕەڵا، ومرافە هووزەنەگان وچەسپانن دەسەڵات دەوڵەت، و وتیش ئەوە مەترسی راسییگ لەبان کۆمەڵگا دروسکردگە وهەڕەشەی تاکەگانی دەێد.
ئەویش لەوەخت سەردانەگەی هات ئەرا بارەگای فەرماندەی ئۆپراسیۆنە هاوبەشەگان لە بەغداد، وکۆبونەوەیگ وەگەرد فەرماندە ئەمنی سەربازیەگان، وەگورەی بەیاننامەیگ لە نووسینگەی کازمی رەسیە ئاژانس شەفەق نیوز.
کازمی ئاماژەدا ک وەو تەقەلایل گەورا ک دەزگا ئەمنیەگان لە گشت جینەگانی دەێدەی، لە نواگردن مەترسی تیرۆر، ودابینکردن ئارامی لە وڵاتەگە، مەرج کریەێد لەبان هێزە ئەمنیە ئازاگان لە دابینکردن ئارامی، وەو شیوە ک بڕوایی هاووڵاتی وە حکومەت دروسکەێد وبیلێدەی هەست وە دڵنیایی بکەێد.
کازمی جەختکرد لەبان گرنگی گورجەوکردن رەنج هەواڵگیری ئەرا هێزە چەکدارەگان، ئەرا نواگردن سەختیە ئەمنیە گەوراگان لە عراق، ک کاریگ نا ئاسایی خوازێد ئەرا نواگردنیان، لەلیان گورجەوکردن کار هەواڵگیریە.
وتیش؛ حکومەتەگە جیماگەی قورسیگ وەرگرد لە چەک بەڕەڵا و ململانەی هووزانە، ک بویە مەترسی راسییگ لەبان کۆمەڵگا وهەڕەشەی تاکەگانی، هەمیش ریگری کەێد لە تەقەلایل ئاوەدانکردن وگەشەی وڵاتەگە.
کازمی فەرمان داگە فەرماندە ئەمنیەگان وە چەودیریکردن ئی باوەتە و هەماهەنگی هاوبەشانە لەناونی هێزە ئەمنیەگان وەگشت جینەگانی ئەرا کۆتایی هاوردنی، وچەسپانن دەسەڵات دەوڵەتەگە، و نواگردن هەرچەگ هەڕەشەی ئەمن و ئارامی وڵاتەگە بیەێد.
