کازمی دەسکەێدە سەردانیگ فەرمی ئەرا تورکیا
2020-12-17T06:48:14+00:00
شەفەق نیوز/ موستەفا کازمی سەرۆک وەزیران، ئمڕوو پەنجشەممە، روی کردە ئەنقەرە پایتەخت تورکیا، لە سەردانیگ فەرمی وەیاوەری شاندیگ حکومەتی.
نووسینگەی راگەیانن کازمی لە بەیاننامەیگ ئمڕوو وت: ئەوەسا کازمی چەوی کەفێدە رەجەب تەیب ئۆردوگان سەرۆک تورکیا و وەربرسە تورکەگان، ئەرا باسکردن لە بتەوکردن هاوکاریە دووانیەگە لەناوبەین عراق وتورکیا، وباوەتە هاوبەشەگان.
حەسەن جەنابی باڵوێز عراق لەلای ئەنقەرە رووژ جمعە لەی سەردان کازمیە راگەیان.
کازمی لە ناوڕاس مانگ تەشرین یەکەم گوزەیشتە مکیس لە رەجەب تەیب ئۆردوگان سەرۆک تورکیا وەرگرد، ئەرا سەردانیگ فەرمی وەرەو تورکیا.
شاندە عراقیەگە ئەوەسا باس لە چەن باوەتیگ گرنگ کەێد جوور ئاو و پەکەکە و رێککەفتنەگەی شەنگال لەناوبەین هەولێر و بەغداد.
