ئازادکردن ژنیگ ئێزدی رفیاگ لە چنگ داعش لەناو خاک سوریا
![ئازادکردن ژنیگ ئێزدی رفیاگ لە چنگ داعش لەناو خاک سوریا](https://media.shafaq.com/media/arcella/1717499182914.jpg)
2024-06-04T11:06:49+00:00
شەفەق نیوز/ سەرچەوەیگ حکومەتی، ئمڕوو سێشەممە، خەوەردا کە هیزەیل ئەمنی توەنستنە ژنیگ ئێزدی عراقی لە چنگ ریخریاگ داعش لە سوریا ئازاد بکەن.
سەرچەوەگە ئەرا ئاژانس شەفەق نیوز وت: ڕزگاربوی نوویگ وەناو تەواف داوود، خەڵک ئاوای تەل عەزیز لە قەزای شنگال لە دەس ئەدامەیل داعش وەلایەن هیزە ئەمنیەیل ئازاد کریا.
سەرچەوەگە دیاری کرد کە ژنەگە خوەی و خیزانەگەی لە ساڵ ٢٠١٤ هەنار داعش ناوچەیل شنگال داگیر کرد رفیاس، و ئیسە هاناو خاک سوریا، دویای ئازادکردنی لە رفیان.
وتیش: ئی ئۆپراسیۆنە بەشیگە لە تەقەلایل وەردەوام ئەرا ئازادکرن گشت رفیاگەیل ئێزدی و گلەوداینیان ئەرا کەسوکاریان.