ئازادکردن گەنجیگ کورد لەکەرکوک وەرجە شەش مانگ وەلایەن داعش رفیاگە
2023-02-20T10:48:39+00:00
شەفەق نیوز/ لە پارێزگای كەركوك شەش مانگ وەرجە ئیسە، وەلایەن چەكدارەیل داعش، دوو گەنج كورد وەرەو شوینیگ نادیار رفیان، یەکیگیان هەر ئەو مەوقە کوشتن، ئەو گەنجەگە شەوەکی ئمڕوو ئازاد كریا.
وەپەی خەوەرەیل ، شەو 28/ 8/ 2022، لە ناوچەی جەوەڵبۆر، سنوور كەركووك، دوو گەنج كورد وەرەو شوینیگ نادیار رفیان، یەکیگیان وەناو عەلی كاكەڕەزا و پیشەی پێشمەرگە بوی، و ئەوەکە وەناو ئارام هادی بوی هەر ئەو مەوقە گەنجە پێشمەرگەگە وەشیوەیگ دڕندانە کوشتن، و دویای شەش مانگ، شەوەکی ئمڕوو دووشەممە 20 شوبات 2023، لە نزیك چەم رۆخانە، ئارام هادی ئازاد كریا، وەلێ تا ئیسە هویردەكاریی چوینیەتی ئازادكردنەگەی نەزانیاگە.
وەگورەی پولیس کەرکوک: گەنجەكە ئیسە هالای هیزە ئەمنیەیل سلێمانی، و تەگبیرە ئمڕوو وەدەس پولیس كەركوك بیریەێد، تا لێكۆڵینەوەی سەرەتایی بكەن، ئمجا دریەێدە دەس كەسوكاری.
