ئازادکردن دویەتیگ لە بەغدا یە ماوەی 8 مانگە رفیاگە
![ئازادکردن دویەتیگ لە بەغدا یە ماوەی 8 مانگە رفیاگە](https://media.shafaq.com/media/arcella/1710319309396.jpg)
2024-03-13T08:42:04+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا فەوجەیل فریاکەفتن بەغدا کەرخ توەنستنە دویەت گەنجیگ ئازادبکەن کە زیاتر لە 8 مانگە رفیاگە وەپای قسەی کەسوکاری.
سەرچەوەگە وە ئاژانس شەفەق نیوز وت، " هاوڵاتیگ داوای هاوکاری لە یەکیگ لە دەوریەیل نزیک گەراج عەلاوی کردیە، کە ئەو دانشتگ پارێزگای دیوانیەس، کە دویەتەگەی (لەداڵگبوی 2004)، زیاتر لە 8 مانگە رفیاگە، ئیرنگە هالای ژنیگ نزیک ئەو گەراجە، ئەو لە گوزەشتە دۆسیەی رفانن توومارکردبوی لە نویسنیگەی دژە تاوان دیوانیە".
وتیش، "فەوج فریاکەفتن بەغدا کەرخ، وەدەم ئاگادارکردنەوەگە چگنە و رێکارەیل یاسایی وەرگردنە، گشت لایەنەیل دەسگیرکریان بریانە بنکەی پۆلیس جعێفر، تا رێکار یاسایی وەرانوەریان بگیرێد".