ئازادکردن دویەتیگ رفیاگ لە بەغداد و دەسگیرکردن بڕفنەیل
![ئازادکردن دویەتیگ رفیاگ لە بەغداد و دەسگیرکردن بڕفنەیل](https://media.shafaq.com/media/arcella/1724136349928.jpg)
2024-08-20T06:45:58+00:00
شەفەق نیوز/ فەرماندەیی ئۆپراسیۆنەیل بەغداد، ئمڕوو سێشەممە، خەوەردا لە ئازادکردن دویەتیگ رفیاگ و دەسگیرکردن یەکیگ لە بڕفنەیل خوەرهەڵات بەغدای پایتەخت.
فەرماندەییەگە لە بەیاننامەیگ رەسیە ئاژانس شەفەق نیوز وت: لەڕەنجام زانیاریەیل لە رفیان دویەتیگ و داواکردن پویل لە باوانی، وەکوتپڕ تیمیگ کارکردن هاوبەش دروس کریا، و دویای وەرگردن رەزامەنی دادوەری و پەیاکردن شوین بڕفنەیل، تا رەسینە شوین رفیانەگە، و یەکیگ لە بڕفنەیل دەسگیر کریا لە ناوچەی حسێنیە خوەرهەڵات بەغداد.
بەیاننامەگە وتیش: توومەتبارەگە دریا دەس لایەنەیل پەیوەندیدار ئەرا تەواوکردن ریکارەیل یاسایی.