ئازادکردن دادوەریگ و پزیشکیگ رفیاگ لە بەغدا و دەسگیرکردن دوو توومەتبار لەناو گومانەیلیگ وە رویداوەگە
شەفەق نیوز- بەغدا
سەرچەوەیگ لە پۆلیس عراقی، ئمڕوو چوارشەممە، خەوەر دا کە هێزیگ هاوبەش توەنست سەرکەفتی بوو دلە ئازادکردن دوو رفیاگ کە یگیان دادوەریگە و ئەوەکە پزیشکیگە، لە پرۆسەیگ ئامادەیی لە خوەرهەڵات بەغدا پایتەخت دویای رەدبوین 48 سەعات لە رفاننیان.
سەرچەوەگە ئەرا ئاژانس شەفەق نیوز وت:، هێزیگ لە دەزگای ئاسایش نیشتمانی، و بەرەنگاربوین تاوان مەنسوور و زەوراء، و هێزەیل فریادڕەس ناوچەگە، سەرکەفتی بوین لە ئازادکردن دادوەر (ح. أ. هـ. أ)، و پزیشک (ع. أ. ع) لە ناوچەی حوسێنیەی مەعامڵ لە خوەرهەڵات بەغدا.
وتیش؛ هێزەگە هەمیش سەرکەفتی بوی لە دەسگیرکردن دوو توومەتبار وە جیبوەجیکردن پرۆسەی رفاننەگە، و دیاریکرد تۆمەتبارەیل و ئازادکریاگەیل ئەرا بارەگای دەزگای ئاسایش نیشتمانی بریان، وەگەرد وازکردن لێکۆڵینەوەیگ قویڵ وەگەرد گشت لایەنەیل وەمدوو هەبوین گومانەیلگ لە رویداوەگە.
