کاریگەریەیل "دۆلار ئەمریکی" رەسێدە پاسپۆرت عراقی.. 101 هەزار دینار رسوم نوو
2026-10-15T09:48:41+00:00
شەفەق نیوز - بەغدا
سەرچەوەیگ ئەمنی، ئمڕوو پەنجشەممە، راگەیان وەڕێوەبەرایەتی کاروبار شارستان و پاسپۆرتەیل و نیشتەجیبوین لە وەزارەت ناوخوەی عراق بڕە پویل دەردکردنی پاسپۆرت ئەلیکترۆنی بەرزەو کرد ئەرا 101 هەزار دینار، دویای ئەوەگ 91 هەزار دینار بوی.
سەرچەوەگە وە ئاژانس شەفەق نیوز وت: بڕیارەگە لەبان بنەمای بەرزکردن نرخ ئاڵشتکردن دۆلار وەرانوەر دینار هات.
بڕە پویل دەردکردنی پاسپۆرت عراقی و نووکردنی لەبان ئاست ولات 91 هەزار دینار بوی، و تەنیا وەشیوەی ئەلیکترۆنی درێد و داهاتەگەی ئەرا بان هەشمارە فەرمییەیل حکومەت فیدراڵیە.
بانک ناوەندی عراق لە 6 تشرینی یەکەم راگەیان نرخ فرووشتن دۆلار ئەرا مەردم لەبان 1520 دینار جیگیربوود لەجیاتی 1320 دینار، کە ئەو نرخە کە لە مانگ شوباتەو کار وەپی کریاس.
