کارەبای عراق: ٧٥٠٠ مێگاوات لە وزەگە پشت وە گاز ئیرانی بەسێد
شەفەق نیوز/ وەزارەت کارەبای عراق، ئمڕوو چوارشەممە، دووپات کرد ک نزیکەی ٧٥٠٠ مێگاوات لە وزە لەلای وەزارەتەگە پشت وە گاز هاوردەی ئیرانی بەسێد.
ئەحمەد موسا قسەکەر وەزارەتەگە ئەرا ئاژانس شەفەق نیوز وت: عراق وە نزیکەی ٧٥٠٠ مێگاوات پشت وە گاز ئیرانی بەسێد، لەسای تەواونەوین پلان سوتەمەنی و تەواونەوین ئامادەکردن و گەشەکردن کێلگەیل غاز وە تەواوی ک وەزارەت نەفت وە شیوەی فرەیگ و گەورەیگ لەبانی کار کەێد، وەگەرد فەرمانەیل حکومەتی وە بەرهەمهاوردن کێلگەیل غاز و کەمەوکردن سزیان، و دووپات کرد ک تەوانەوین پلانەکە هیلێد عراق هەر غاز هاوردە بخوازێد.
موسا وتیش: هەر کەمەوبوینیگ لە گاز هاوردە، یا نەیان پویلەگەی، کاریگەری گەورەیگ خەێدە بان وەکارخستن ویستگەیل بەرهەمکردن، ئیجا کاریگەری لەبان بەرهەمکردن وەزە دیرێد.
موسا مەزەنە کرد سەردانەگەی سەرۆک وەزیرەیل محمد شياع سودانی ئەرا ئیران باس غاز و مەرەقەزکردنی لەناوی بوود.
