ئارامگردن نرخ دۆلار وەگەرد بەسیان بۆرسەی بەغداد و لە هەولێر
2023-08-21T14:24:09+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو دووشەممە، وەگەرد بەسیان بۆرسەی سەرەکی بەغداد پایتەخت، و لە هەولێر پایتەخت هەرێم کوردستان، جیگیربوی.
پەیامنێر ئاژانس شەفەق نیوز وت: بۆرسەی سەرەکی کیفاح لە بەغداد پایتەخت، ئیوارەی ئمڕوو، لەبان نرخ 153000 دینار عراقی وەرانوەر 100 دۆلار ئەمریکی دەرەیلیان بەسان، هەمان نرخ لە شەوەکی توومارکریابوی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد جیگیر بوی، کە نرخ فرووشتن 100 دۆلار ئەمریکی رەسیە 154000 دینار عراقی، و نرخ سەنینی رەسیە 152000 دینار عراقی.
لە هەولێر پایتەخت هەرێم کوردستان کە، نرخ دۆلار هەمیش جیگیر بوی، کە نرخ فرووشتن 100 دۆلار ئەمریکی رەسیە 153600 دینار عراقی، و نرخ سەنینی رەسیە 153500 دینار عراقی.
