ئاخونیگ مۆدێرن دویای ماچکردن دویەتیگ کەفێدە ژیر هەڕەشە و خوازێد بچوودە هەولێر

شەفەق نیوز/ ئاخون شیعی عراقی عەلی شرێفی، بڕیار دا بەغداد بیلێدەجی، ئەوەیش دویای هەڕەشەیلیگ ئاشکرا ئەرای هات، لەبان دەرچگنی لە پارچە ڤیدیۆیگ ک لەناوی وە دڵنگ ئاخونیی ماچ دویەتیگ کەێد.

شرێفی وت: کەفتمە وەر پەلامار تونیگ لە دویر ونزیک، و هەڕەشەیل فرەیگ لەبان مۆبایل ئەرام هات، وخیزانەگەم لەماڵ دەرکردن و ئامادەی خوەم کردم تا وەرەو هەولێر بچم، تا ئەوەنە کارەگە ئارامەو بوود.

لە پەخشیگ زنی لەبان فەیسبووک وتیش: نامەیگ ئەرام هاتیە، هەڕەشە لەناوی نویسیاگە، و گولەیگ کلاشینکۆف نریاسە ناوی.

وەقسەی خوەی، یە یەکەم جاری نیە شرێفی بکەفێدە ژیر هەڕەشە، ک وەرجەیە لە سەرەتای ئی ساڵە کەفتە ژیر هەڕەشە، ک  لەلایەن چەن کەسیگ وتنە لایەنگرەیل سەرایا سەلام بوینە لە رەوت سەدر،  وەچەقو دانەسە براگەی.