ئیران: کازمی وەرجە ریاز و واشینتون سەردان ئیران کەێد

شەفەق نیوز/ میدیایه‌ل ئیران، ئمڕوو چوارشەممە، خەوەردان ک موستەفا کازمی سەرۆک وەزیران عراق، نیاز سەردان ئیران دیرێد وەرجە سەردان ریاز و واشینتون.
وەرجەیە، میدیایل سعودی باسکردن ک کازمی، رووژ دووشەمەی ئایندە، سەردان سعودیە کەێد.
ئاژانس فەرمی خەوەرەیل ئیرانی '' ئەڕنا'' وت: سەردانیەلیگ چەوڕیکریاگ موستەفا کازمی سەرۆک وەزیرەیل عراقی ئەنجامی دەێد، تەهران و ریاز و واشینتون گرێدەو. ئاماژەشدا ک سەردانگەی تەهران کەفێدە وەرجە سەردانەیل ریاز و واشینتون.
لە وەختیگ گوزەیشتە، تەلەفزیۆن '' الحدث '' سعودی باسکرد وهەمیش رۆژنامەی خوەرهەڵات ناوڕاس گوایە کازمی رووژ دووشەممەی ئایندە سەردان سعودیە کەێد.
ئی سەردانە بوودە یەکەمین ویستگەی دەیشتەکی ئەرا کازمی لەوەخت وەرگردن سەرۆکایەتی حکومەت لە ئایار گوزەیشتە.