ئیران ناوچەیگ سنوری لە هەرێم کوردستان توپباران كرد
شەفەق نیوز/ توپەیل سەروە سوپای ئیران، نیمەڕو ئمڕوو سێشەممە، توپباران ئاواییگ سەروە ناوچەی سنوری حاجی عومران کرد، لە پارێزگای هەولێر پایتەخت هەرێم کوردستان.
کەسیلیگ وەچەودی ئەرا ئاژانس شەفەق نیوز وتن؛ فڕۆکەیل بیفڕۆکەوان، لە ساعەت هەیشت ونیم شەوەکی دەسکردنە چه‌ودیری رەوش ناوچەگە.
وەچەودیەیل خەوەردان؛ لە ساعەت ١١ توپباران ئاوایەگە کریا، و نیشته‌جایه‌یل ناوچه‌گه وتن ؛ ناچاربویمن لەوەر توپبارانەگە كێڵگەیلمان وەجی بیلیمن و وەرەو باشوور بچیمن.
هەمیش وتن؛ توپبارانەگە وەبی وسانن وەردەوامبوی، وەبی زیان گیانی لە هاووڵاتیەیل ناوچەگە.
هەمیشە هێزەیل تورکی و ئیرانی توپباران ناوچە سنوریەگان کەن لە هەرێم کوردستان، وەدەسپیچگ هەسی چەکدارەیل سەروە حزبەیل ئۆپۆسزیۆن ئەرا هەردوگ رژیم لە ئەنقەرە و تەهران.
ئاماژەیە ک دەسڵاتەیل هەرێم لەفرەی بۆنەگان راگەیاننه ك سەدها كه‌س لە دانیشتوەیل ئاوایە سنوریەگان لەوەر ئۆپراسیۆنە سەربازیەگان تورکیا و ئیران کۆچکردنه و قوربانیەیل مەدەنی داشتنه و زیانه‌یل دارایی گەورا دینه.
