ئه‌ڵمانيا نگه‌رانه له بڵاوبوينه‌وه‌ى فكره‌ى تونڕه‌وه‌ى له‌ناونى په‌نابه‌ره‌يلى
2015-09-22T14:09:12+00:00
له‌ى باوه‌ته‌و، نويسينگه‌ى مقه‌يه‌تيكردن ده‌ستوور"هه‌واڵگرى ناوخوه‌يى"له به‌ياننامه‌يگ ك(شه‌فه‌ق نيوز)ئاگادارى بوى، گوزارش له نگه‌رانى فريه‌يگ كرد له‌وه‌گ ئسلاميه‌يل له ئه‌ڵمانيا له‌ژير په‌رده‌ى پيشكه‌شكردن هاوكارى ئنسانى نه‌ف له‌بار په‌نابه‌ره‌يل وه‌ربگرن وه جووريگ ك خزمه‌ت وه ئامانجه‌يليان بڕه‌سنێدو فكره‌ى تونڕه‌وى له‌ناونيان بڵاوه‌و بكه‌ن.
نويسينگه‌ى ناوبرياگ هه‌ميش وت: ئيمه بايه‌سه گرينگى تايبه‌تيگ بيه‌يمنه ئه‌و جايه‌ڵ جوانه‌يله ك داواى ماف په‌نابه‌رى ئه‌كه‌ن و مقه‌يه‌تى له‌ليان بكه‌يم نه‌كه‌فنه قه‌پ ئسلاميه‌يل تونڕه‌و وه سووك و ئاسان.
جى باسه، هه‌مان نويسينگه باس له‌وه‌يش كرد ك شماره‌ى سه‌لفيه‌يل له ئه‌ڵمانيا ريژه‌ى تازه‌يگ تومار كردگه له‌ى سێ مانگ دوياخره‌و شماره‌يان زياى كردگه له 7500 كه‌س ئه‌را 7900 كه‌س.
