ئه‌نداميگ سلێمانى وه ده‌ركردن فه‌رمان كوشتن خوه‌ينيشانده‌ره‌يل وه‌رپرسيار كرد
شه‌فه‌ق نيوز/ ئه‌حمه‌د جبورى ئه‌ندام ئه‌نجومه‌ن نوێنه‌ره‌يل عراقى، وه‌رپرسيارێتى ده‌ركردن فه‌رمانه‌يل كوشتن خوه‌ينيشانده‌ره‌يل خسته مل قاسم سلێمانى سه‌ركرده‌ى فه‌يله‌ق قودس سه‌ر وه پاسه‌وان شۆڕش ئيرانى.
جبورى له ماڵپه‌ڕ كۆمه‌ڵايه‌تى تويته‌ر وت: له‌وه‌ر ئه‌وه‌گ سلێمانى مه‌ندوب ئيرانى له عراق وت: خوينيشانده‌ره‌يل خيانه‌تكار و به‌عسى و پيلاندانه‌رن, بڕيگ له ده‌سڵاته‌يل فه‌رمانڕه‌وا له عراق ده‌سكردنه كوشتن و بڕين خوه‌ينيشانده‌ره‌يل ئاشتيخواز له فه‌قيره‌يل عراق و رووشنهويره‌يلێ وه‌شيوه‌يگ دڕندانه‌و كوشتار دڵته‌زن روێدا.
يه‌يش له‌وه‌ختيگه موقته‌دا سه‌در سه‌ركرده‌ى ره‌وت سه‌درى لايه‌نگرى خوه‌ى ئه‌را خوه‌ينيشانداينه‌يل ده‌رخست ك بڕياره له 25 ئى مانگه ئه‌نجام بگرێد و له هه‌مان وه‌خت وه تونييش ره‌خنه له پرووسه‌ى سياسى و حكومه‌ت گرت له‌باره‌ى وه‌ديكردن چاره‌سه‌ر ئه‌را ئى بارودوخه ك وڵاته‌گه له‌تى ژيه‌ێد.
