ئه‌ميندارێتى به‌غدا هووكار كه‌مبوين ئاو خسته وه‌رپرسيارێتى كاره‌با
شه‌فه‌ق نيوز/ ئه‌ميندارێتى به‌غدا، به‌ياننامه‌يگ ده‌ركرد و له‌تى هووكاره‌يل كه‌مبوين ئاو له ناوچه‌يل باشوور به‌غداى پايته‌خت له‌تى ئاشكرا كرد و وه‌رپرسيارێتى خسته بان كاره‌با.
ئه‌منيدارێتيه‌گه له به‌ياننامه‌گه‌ى ئه‌را ئاژانس شه‌فه‌ق نيوز وت: هووكار كه‌مبوين ئاو له‌ى دوياخره له بڕيگ له ناوچه‌يل باشوور به‌غدا له‌وه‌ر كه‌مى كاره‌با بويه له رووژه‌يل گوزه‌يشت و باس له‌وه‌يش كرد بڕيار وه‌رده‌وام كاره‌با له ويستگه‌يل و پرووژه‌يل ئاو بويه‌سه هووكار به‌تاڵبوين تووڕه‌يل له ئاو، ك يه‌يش نه‌يشتگه ئاو ته‌واويگ بڕه‌سيده هاووڵاتى.
به‌ياننامه‌گه هه‌ميش وت: ده‌زگاى ئاو به‌غدا ك يه‌كيگه له دامه‌زرياگه‌يل ئه‌ميندارێتيه‌گه ك سه‌ربار وه‌كارخستن موليده‌يل كاره‌بايى له وه‌ختيگ كاره‌با بڕيه‌ێد، وه‌لێ تواناى ئه‌و موه‌ليده‌يله جوور تواناى كاره‌باى نيشتمانى نيه.
