ئه‌مريكا هيز و سيسته‌م مووشه‌كى له عراق جيگير ئه‌كا
شه‌فه‌ق نيوز/ وه‌زاره‌ت وه‌رگرى ئه‌مريكا(پنتاگۆن)فه‌رمان دا سه‌ركرده‌يل سه‌ربازيى له عراق ئاماده بوون ئه‌را ئه‌نجامداين كرده‌وه‌يليگ ئه‌گه‌ركرياێ ك جه‌ماعه‌ت كه‌تيبه‌يل حزبوڵڵاى سه‌ر وه ئيران له‌تى بگيريه‌ێده ئامانج ك واشنۆن وه وه‌رپرس له‌بان په‌لاماره مووشه‌كيه‌گه‌ى بنگه‌ى تاجى زانيده‌ى له 11ى مارس/ ئادار گوزه‌يشت.
پيشبينى ئه‌وه ئه‌كريه‌ێد پنتاگۆن كه‌ره‌سته‌يل تازه‌ى وه‌رگرى ئاسمانى جيگر بكا، ك هيز مووشه‌كى پاتريۆت و سيسته‌م "C-RAMs" بگرێده خوه‌ى له ماوه‌ى دو هه‌فته‌ى ئاينده، جوور ئه‌وه‌گ رووژنامه‌ى شه‌رقولئه‌وسه‌ت له‌نده‌نى له شماره‌ى ئمڕووى له زووان په‌يامنێره‌گه‌ى له واشنتۆن باسى كرد.
يه‌يش له‌وه‌ختيگه رووژنامه‌ى نيويۆرك تايمز ئاماژه وه پلانيگ نائاشكراى سه‌ربازى كرد ك دانرياگه ئه‌را جه‌نگ له عراق دژ ميليشيايه‌يليگ ك ئيران پشتگيرى له‌ليان ئه‌كا.
