ئه‌مريكا نيگه‌رانه له چالاكيه‌يل ئيرانى له‌ناو عراق
شه‌فه‌ق نيوز/ وه‌رپرسيگ گه‌ورا له وه‌زاره‌ت وه‌رگرى(پنتاگۆن)وت: ئاماژه‌يليگ هه‌ن ئه‌وه ده‌رخه‌ن ك ئيران له ئاينده‌ى په‌لاماره‌يلى ئه‌نجام بيه‌ێد له‌وه‌ختيگ ك گرژى روێ له به‌رزه‌وبوين كردگه له‌ناونى كۆمار ئسلامى و وڵاته‌يل يه‌كگرتگ.
له‌ى باوه‌ته‌و، جون رود, سێيه‌مين گه‌ورا وه‌رپرسه‌يل له پنتاگۆن ئه‌را رووژنامه‌نويسه‌يل وت: هيمان ئه‌و ئاماژه‌يله ديارن و له‌وه‌ر هووكاره‌يليگ باس له‌ليان ناكه‌م وه‌تايبه‌ت له‌باره‌ى تواناى ئيران له هه‌ڕه‌شه‌يلى و مه‌ترسى وڵاته‌گه‌ێ له هه‌ر وه‌ختيه‌يليگ له ئه‌گه‌ره‌يل ئه‌نجامداين په‌لاماره‌يل ئيرانى، يه‌يش له‌وه‌ختيگ ك وه‌رپرسه‌يل باس له‌وه ئه‌كه‌ن ئى مه‌ترسيه‌يله په‌يوه‌سه وه چالاكيه‌يل ئيرانى له‌ناو عراق.
جى باسه، دو وه‌رپرس تر ئه‌مريكييش ك نه‌تواسن ناويان ئاشكرا بدێ، وتن: وه‌گووره‌ى زانياريه‌يل هه‌واڵێگرى ئه‌وه ده‌ركه‌فتگه ك له‌ماوه‌ى مانگ گوزه‌يشت ئيران جموجويل داسه هيز و چه‌كه‌يلێ له ناوچه‌گه.
