ئه‌مريكا سيسته‌م"پاتريۆت"له عراق جيگير ئه‌كا له‌وه‌ر مقه‌يه‌تى له هيزه‌يلى
2020-04-11T09:50:41+00:00
شه‌فه‌ق نيوز/ رووژنامه‌ى واشنتۆن پۆست باس له كاراكردن سيسه‌م وه‌رگرى پاتريۆت كرد له عراق له‌وه‌ر مقه‌يه‌تيكردن له هيزه‌يل ئه‌مريكا له‌و بنگه‌يل سه‌ربازيه ك زويتر تويش په‌لامار هاتن و بويه هووكار كوشيان شماره‌يگ سه‌رباز له هيزه‌يل هاوپه‌يمان ناوده‌وڵه‌تى دژ ريكخرياگ داعش.
له‌ى باوه‌ته‌و، مارك ئه‌سپه‌ر وه‌زير وه‌رگرى ئه‌مريكا، له‌سه‌ره‌تا ئمساڵ وت: وڵاته‌يل يه‌كگرتگ وه‌ل عراق كار له‌بان بڵاوكردنه‌وه‌ى سيسته‌مه‌يل وه‌رگرى ئاسمانى"پاتريۆت"ئه‌كا، وه‌تايبه‌ت دوياى په‌لاماره‌يل ئيرانى ئه‌را بان بنگه‌يل سه‌ربازى ئه‌مريكى له عراق.
جى باسه، سيسته‌م پاتريۆت پيكهاتگه له راداره‌يل فريه پيشكه‌فتگ و مووشه‌كه‌يليگ ك تواناى ويرانكردن مووشه‌كه‌يل باليستى ديرن له‌وه‌ختيگ ك وه‌شريه‌ن.
