ئاسايش نهينهوا كهسيگ گومانليكرياێ وه تويشهاتنى وه كۆرۆنا دوياى واينى دهسگيركرد
![ئاسايش نهينهوا كهسيگ گومانليكرياێ وه تويشهاتنى وه كۆرۆنا دوياى واينى دهسگيركرد](https://media.shafaq.com/media/f40loljy/iraqi-police.jpg)
شهفهق نيوز/ وهڕيهوبهرايهتى ئاسايش له پاريزگاى نهينهوا، ئاشكراى دهسگيركردن كهسيگ گومانلكرياێ كرد وه ڤايرۆس كۆرۆنا دوياى واينى له نهخوهشخانه له شار موسڵ.
لهى باوهتهو، عهميد هوشام هاشمى وهڕيهوبهر ئاسايش نيشتمانى له نهينهوا، له بهياننامهيگ وت: وهڕيهوبهرايهتيهگه دوياى دهسكهفتن زانيارى لهبان واين يهكيگ له كهسهيل گومانليكرياێ وه تويشهاتن وه ڤايرۆس كۆرۆنا له كهرهنتينه له نهخوهشخانهى شيفا وهناو(ع خ ح)، له ماوهى سهعاتيگ تويهنرياگه دهسگير بكريهێد و چهوهرێ دهرچگن دهرئهنجام وشكاننهگهى ئهكريهێد.
جى باسه، هاشمى باس لهوهيش كرد ئهو كهس گومانليكرياگه له ناوچهى حهيولزوبات له ديم چهپ شار موسڵ دهسگير كرياگه.