ئئتلاف مالكى داواى له‌سێداره‌داين ترۆريسته‌يل سعودى و بيگانه‌ ئه‌كا

نعمه‌ له‌ به‌ياننامه‌يگ ك(شه‌فه‌ق نيوز)ئاگادارى بوى, وت: كار دادگه‌رييگ نيه‌ ئه‌گه‌ر هه‌ر ترۆريستيگ عه‌ره‌بى يا بيگانه‌ له‌وانه‌گ خريانه‌سه‌ زيندانه‌يل عراقى بخريه‌نه‌ وه‌ر وه‌خشين گشتى و ده‌ركردن هه‌ر يه‌كيگ له‌وانه‌ك ده‌س له‌ رشانن خوين عراقيه‌يل داشتنه‌ نه‌بايه‌د ئازاد بكريه‌ن و گله‌و بخوه‌ن ئه‌را وڵاته‌يل خوه‌يان.

نعمه‌ هه‌ميش وت: سعوديه‌ خوازياره‌ ئازادكردن سه‌گه‌يليه‌ له‌ زيندانه‌يل عراقى وه‌بى ئه‌وه‌گ شه‌رم بكاو هه‌ر وه‌و خاتريشه‌ باڵوێز سعودى له‌ ئوردن پاريزه‌ره‌يليگ ئه‌را وه‌رگرى له‌و ترۆريسته‌يله‌ ديارى كرد ك له‌ وڵاته‌گه‌يه‌و هاتنه‌و ملله‌ت عراقيش چه‌وه‌ڕى سزاداين دادگه‌رانه‌ى ئه‌و بكوشه‌يله‌سه‌ وه‌گووره‌ى ياسا.