ئئتلاف عه‌لاوى داواى سازكردن دانيشتنيگ هه‌ڵه‌په‌ڵه له مه‌عسوم ئه‌كا
له به‌ياننامه‌ى ئئتلاف نيشتمانى ئه‌را(شه‌فه‌ق نيوز)باس له‌وه كريا ك وه‌ل به‌رزه‌وبوين خوه‌ينيشانداينه‌يل مه‌ردمى ئه‌را لاوردن موحاسسه‌ى تايفى و چينايه‌تى و به‌رزه‌وبوين ده‌نگه‌يل مه‌ده‌نى ئه‌را بته‌وكردن ناسنامه‌ى نيشتمانى عراقى، ئئتلاف نيشتمانى وه نگه‌رانيه‌و ته‌ماشاى مكوڕبوين فريه‌ى بريگ له ده‌وڵه‌ته‌يل هه‌رێمى ئه‌كا له‌بان مه‌سه‌له‌ى تايفه‌گه‌رى و چينايه‌تى ك له‌يوا ئه‌كا عراق بدێده مه‌يدان كيشمه‌كيش هه‌رێمى و ترۆريش ده‌س بكيشێده ناو سه‌روه‌رى و سه‌قامگيرى و ئاسايش عراق.
به‌ياننامه‌گه يه‌يش ده‌رخست و وت: ملله‌ت عراق ك ئه‌را ماوه‌ى هه‌زاران ساڵه گشت تايفه‌و ئايين و نه‌ته‌وه‌يلى وه شيواز ئاشتيانه وه‌ل يه‌كا ژيانه له‌بان خاك ژياره‌يلى وه‌گشت ئاشكرايگ دخاڵه‌ت بيگانه ره‌ته‌و ئه‌كه‌ن ك ئامانج له‌لى به‌شبه‌شه‌وكردن شيرازه‌ى ملله‌ته.
