ئئتلاف عامرى: زرفى له‌لايه‌ن باڵيۆزخانه‌ى ئه‌مريكاوه له به‌غدا كانديد كريا
شه‌فه‌ق نيوز/ موختار موسه‌وى ئه‌ندام له‌بان فراكسيۆن فه‌تح، تومه‌تبار به‌رهه‌م ساڵح سه‌رۆك كۆمار كرد وه سه‌رپيچيكردن له ده‌ستوور و راسپاردن كانديد باڵيۆز ئه‌مريكا ئه‌را دامه‌زرانن حكومه‌ت، جوور ئه‌وه‌گ خوه‌ى تاريف كرد.
له‌ى باوه‌ته‌و، موسه‌وى ئه‌را شه‌فه‌ق نيوز وت: به‌رهه‌م ساڵح سه‌رپيچى له ده‌ستوور عراقى كردگه وه كانديد نه‌كردن فراكسيۆن گه‌ورا ئه‌را دامه‌زرانن حكومه‌ت و باس له‌وه‌يش كرد فه‌تح و فراكسيۆنه‌يل هاوپه‌يمان وه‌ليا زياتر له كانديديگ ئه‌را سه‌رۆك كۆمار پيشكه‌ش كردن، وه‌لێ سه‌رۆك كۆمار جواويان نه‌ياسه‌وه‌و ره‌زامه‌نييانيش وه‌رجه راسپاردن زورفى وه‌رنه‌گرتگه.
جى باسه، موسه‌وى هه‌ميش وت: سه‌رۆك كۆمار نه‌ك هه‌ر سه‌رپيچى له ده‌ستوور، به‌ڵكوو كانديد باڵيۆزخانه‌ى ئه‌مريكا ئه‌را دامه‌زرانن حكومه‌ت راسپاردگه وه هاوكارى بڕيگ له لايه‌نه‌يل سياسى.
