9 کەس کوتکوتەو کردگە.. ژاپۆن "بکوشەگەی تويەتر" دەێدە سێدارە
2025-06-27T08:02:53+00:00
شەفەق نيوز - تۆکیۆ
وڵات ژاپۆن، ئمڕوو جمعە، پیاییگ دادە سێدارە کە 9 کەس کوشتگە دویای پەیوەندیکردن وەگەردیان لەبان "ئێکس - تويتەر جارانی"، لە یەکەمین جیوەجیکردن ئی سزا لە ماوەی سێ ساڵ تا ئیسە.
تاكاهيرو شيرايشی، سزای وەسێدارەدانی دریا، لەبان تاسانن و کوتکوتەو کردن هەشت ژن و پییاییگ لەناو شوقەگەی لە شار زاما لە كاناجاوا نزیک تۆکیۆ لە ماوەی ساڵ 2017.
شيرايشی، نازناو "بکوش تويەتر" بڕیا باڵای چوینکە وەگەرد قوربانیەیلی لەبان ئەو پلاتفۆرمە پەیوەندی کردیاد کە دویای ئەوە ناوی ئاڵشت بوی ئەرا "ئێکس".
كيسوكی سۆزوكی وەزیر داد ژاپۆن، کە مووڵەت وەسێدارەدان شيرايشی دەرکرد وت: بڕیارەگە دویای وەشکینیگ یەواش برد، وەگەرد نووڕین ئەوە کە تاوانکارەگە فرە خوەیدووس بویە کە ئەو تاوانەیل جیوەجیکردن کردگە کە مەردم دڵتەزن و نیگەران کردگە.
