ژنه‌يل داعشى: كۆرۆنا ئه‌ياده تويش كافره‌يل نه‌ك ئيمه
شه‌فه‌ق نيوز/ له‌بان ريڕه‌و ريكخرياگ تيرۆيستى ك هه‌زاران كه‌س له‌گشت تايفه‌يل رخه‌و برد وه دريژايى ساڵه‌يليگ له‌چه‌ن وڵاتيگ عه‌ره‌بى، له‌وانه‌يش سوريا و عراق، هيمان ژنه‌يل داعش په‌يوه‌سن وه فكره‌يل تونڕه‌وى.
هه‌رچه‌نى شماره‌يگ له ريكخرياگه‌يل ناوده‌وڵه‌تى و ئداره‌ى خودى له باكوور سوريا وشدارى ئه‌يه‌ن له‌باره‌ى مه‌ترسى بڵاوبوينه‌وه‌ى ڤايرۆس كۆرۆنا له‌ناو ئه‌و كه‌مپه‌يله ك هه‌زارام ژنه داعشى و خيزانه‌يليان گرته خوه‌ى، وه‌لێ وه‌ل ئه‌وه‌يشا ژنه‌يليگ له ديمانه‌ى ته‌له‌فزيۆنى له يه‌كيگ له كه‌مپه‌يل ناوچه‌ى حه‌سه‌كه‌ى سوورى باس له‌وه ئه‌كه‌ن ك كۆرۆنا نايه‌ده تويشيان، به‌ڵكو ئه‌ياده تويش كافره‌يل و ئه‌وانه‌گ زوڵم له‌ليان كردنه.
جى باسه، هه‌رچه‌نى ڤايرۆس كۆرۆنا وه گورجى بڵاوه‌و بويه، وه‌لێ ده‌سڵاته‌يل جياجيا ك هه‌ر يه‌كيگ له‌ليان زاڵه له‌بان به‌شيگ له سوريا، هاوكارى ناكه‌ن له‌ناونى خوه‌يان ئه‌را روێ وه‌ڕوێ بوينه‌وه‌ى مه‌ترسه‌يل ئى په‌تا.
