چين به‌رزترين حاڵه‌ته‌يل تويشهاتن تازه وه كۆرۆنا تۆمار كرد
2020-04-13T09:10:46+00:00
شه‌فه‌ق نيوز/ چين ئاشكراى تۆماركردن 108 حاڵه‌ت تازه وه ڤايرۆس كۆرۆنا كرد، ئه‌ويش وه زياتر له‌و 99 حاڵه‌ته ك وه‌رجه رووژيگ تۆمار كريا، ك يه‌يش به‌رزترين شماره‌س له تويشهاتن رووژانه له ماوه‌ى زياتر له شه‌ش هه‌فته تائيسه.
له‌ى باوه‌ته‌و، ليژنه‌ى ته‌ندروستى نيشتمانى له به‌ياننامه‌يگ وت: 98 حاڵه‌ت تازه تۆمار كرياگه وه‌ل 61 حاڵه‌ت تر ئه‌را نه‌خوه‌شه‌يليگ ك نيشانه‌ى په‌تاگه له‌ليان ده‌رنه‌كه‌فتگه.
جى باسه، ليژنه‌ى ناوبرياگ باس له‌وه‌يش كرد ك حاڵ حازر له ده‌يشت وڵاته‌گه 82160 حاڵه‌ت هه‌ن، له حاڵه‌تيگ ك شماره‌ى حاڵه‌ته‌يل مردن به‌رزه‌و بويه و ره‌سيه‌سه 3341 حاڵه‌ت.
