پێشبینەیل مەترسیدار تەندروسی جهانی ئەرا هەفتەی ئاینده‌.. ١٠ مەلیۆن تووشهاتگ و ٥٠٠ هەزار مردگ

شەفەق نیوز/ رێکخراو تەندروسی جهانی، پەنجشەممە دووپاتکرد ک پەتای کۆرۆنا زیاده‌و بوود وەشیوەی گشتی لە جهان، هەرچەن خاسەوبوین رەوش پەتایی هەس لە بڕیگ لە ناوچەیل وه‌تایبەت ئۆڕۆپا.
تیدڕۆس ئەدهنۆم گیبیسوس وەڕیەوبەر گشتی رێکخراو تەندروسی جهانی، لە کۆنگرەیگ رۆژنامەوانی وت: پەتاگە لە ئۆڕۆپا کەمەوبوود، بەڵکم لە ئاست جهانی خراوەو بوود، و پێشبینی کرد ئامارە گشتیەگەی تووشهاتنەگان لە هەفتەی هاتگ بڕەسێدە ١٠ مەلیۆن تووشهاتگ، ک ئیسە رەسیەسە ٩،٢ مەلیۆن، و پێشبینی کەێد ک ئامار مردگەیل بڕيسێدە نزیکەی ٥٠٠ هەزار کەس.
گیبریسوس جەختکرد؛ ک جهان دویای کۆتایی پەتاگە جوور جارانیی نێەتێەدەو، و دووپاتکرد لە گرنگی دامەزرانن ژیانیگ سروشتی نوویگ، ئەوەسا جیوازبوود وە فرەتر لە یەکسانی و ئایکۆڵۆژی ، و هووکار قورتاربوین بوود لە ئاڵشتبوین كەشوهەوا.