په‌لاماريگ خوه‌يكوشى له‌ناو مه‌زارگه‌ێ خومه‌ينى له ته‌هران روێدا
2017-06-07T12:08:00+00:00
شه‌فه‌ق نيوز/ هووكاره‌يل ره‌سانن ئيرانى ئاشكراى ئه‌وه كردن ك چه‌كداريگ نه‌نانسرياێ ده‌س كرده‌سه گوله ته‌قانن له‌ناو مه‌زارگه‌ێ ئيمام خومه‌ينى سه‌ركرده‌ێ شۆرش ئسلامى ئيرانى له باشوور ته‌هران.
هووكاره‌يل ره‌سانن ئه‌وه ده‌رخستن ك ئه‌و په‌لاماره بويه‌سه هووكار زه‌خمداربوين چه‌ن كه‌سيگ و دوياخريش په‌لامارده‌ره‌گه وايه وه‌ره‌و شوونيگ تر.
له‌لايه‌ن خوه‌ييشه‌و، ته‌له‌فزيۆن فه‌رمى ئيرانى ئاشكراى ئه‌وه كرد ك خوه‌يكوشيگ له‌ناو مه‌زارگه‌ێ روح الله خومه‌ينى له باشوور ته‌هران خوه‌ێ ته‌قانه‌سه‌وه‌و خوه‌يكوشه‌گه يه‌كيگ بويه له‌و بڕه چه‌كداره ك پيكهاتنه له چوار كه‌س و په‌لامار مه‌زارگه‌گه دانه.
