وە هەڕەشە.. باوگیگ تا دوو ساڵ پەلامار سێکسی دویەت ناخڵەی خوەی دەێد
شەفەق نیوز/ دادگایگ میسری، ئمڕوو پەنجشەممە، فەرمان زیندان هەتاهەتایی لەبان باوگیگ دەرکرد، تا ماوەی دوو ساڵ دەسدرۊژی سێکسی لەبان دویەت ناخاڵەی خوەی کردیە.
وەگورەی میدیایل راگەیانن میسری، وەڕیەوبەر ئاسایش شەرقیە فەرمان دەسگیرکردن (ع. ع. ف. ا) ئەرا رەسی، ک باوگیگە لە ساڵ ٢٠٢٢ و وەرجە ئەوەیش، ئاوڕوی دویەت خوەی وە زوور هەڕەشە بردگە.
لەناو لێکۆڵینەوە دەرکەفت ک تاوانکارەگە دەسدرۊژی لەبان دویەتەگەی کردیە و هەڕەشەی دایە تا ئاگادار لەی کردەوە نەکەێد، هەرلە وەختیگ ئەو دویەتە چواردە ساڵان بویە.
لێکۆڵینەوەیش ئاشکرا کرد ک ئەو باوگ تاوانکارە ئەو کردەوەی بەدیە ئەرا چەن جاریگ وە ماوەی دوو ساڵ کردیە، تا تەمەن دویەتەگە رەسیەسە شانزە ساڵان، وئاشکرای کردەوەی باوگی کردیە.
لایەنەیل پەیوەندیدار ئەو باوگە هەواڵەی دادگای نەهیشتن تاوان زەقاقیق کردن، ک فەرمان ٢٥ ساڵ زیندانی لەبانی دەرکرد.
