وە هەشت زوان قسە کەێد.. دیاریکردن خانمە کوردیگ هەولێری جویر بالیۆز ئەمریکا لە میسڕ

لە بەیاننامەگە هاتییە خامە دبلۆماسی هێڕۆ موستەفا تەمەن 50 ساڵان لە شار  هەولێر هەرێم کوردستان لەداڵگبویە، خاوەن بڕوانامەی بەکالۆریۆسە لە زانکۆی خزمەت دەرەوە لە زانكۆی جۆرج تاون و ماستەر لە زانكۆی برینستۆن وە هەشت زوان قسە کەێد ک ئەوانیش: (ئینگلیزی، كوردی، عەرەبی، فارسی، یۆنانی، هندی، بولگاری و پرتوگالی).

هەنای هێرۆ دوو ساڵان بویە خێزانەگەی ئارا ئەمریکا کووچ کردنە، و فلیمیگ دیکۆمێنتاری لەبان ژیانی دراوریاس و کەناڵ عەرەبیە پەخشی کردیە وە ناو" American herro " لەو فیلمە  باس لەژیان خوەی کەێد  ک بوینەسە پەنابەر لە ئیران و دویایش لە 1976 رەسنە ئەمەریكا لەورا داوی ماف پەرنابەری كەن.

هاووەخت دەزگای كارنیج لە 2021 بڕوانامەی رێزلێنان وەپی بەخشێد، وە ئەوەی یەكیگە لە گرنگترین پەنابەرەیل لە ئەمەریكا.  هاوسەرەگەی هندییە، خاوەن دوو مناڵن و گەورەگەیان ئاریانا/نۆ ساڵ/ و ئاشنا/ هەفت ساڵ.

هێرۆ مستەفا لە گوزەشتە لە بولگاریا باڵوێز بویە، هەمیش جیگیر باڵوێز بویە لە پرتوگاڵ و راوێژكار باڵوێزخانە بوی لە نیودەلهی لە هندستان، لە نووسینگەی سەرۆك ئەمەیكا تایبەت بویە وە دۆسییەیل خوەرهەڵات ناوەڕاس  و باشوور  و ناوەڕاس ئاسیا.

ژنە كوردەگە، جیگر  وەرێەوەبەر نویسنگەی كاروبار ئەفغانستان بویە، راوێژكار بویە لە نووسینگەی كاروبار رۆژهەڵاتی ناوەڕاس، بریكاری وەزارەت بویە ئەرا كاروبار سیاسی، هاوكاتیش بەرپرس كونسووڵگەی بوی لە بەیروت و وەرپرس سیاسی بویە لە ئەسینا.