چوینکە پلەی نزم وەپیان داگە.. دوو ناخاڵە لە ئەمریکا مامووستای خوەیان کوشن
ویلارد میلەر ١٧ ساڵان، و جیریمی گودێل ٢٨ ساڵە، ئاشکرای تاوان خوەیان کردن، ک دەسدرویژی لەبان خانمە مامووستایان لە زوان ئیسپانی لە ناوەندی فیرفێد وهیما گرابەر کردنە، وە دەسگ پیسبۆڵ لەلی دانە تا مردگە.
ئەو رویداوە لە ساڵ ٢٠٢١ بویە، هەناێ ئەو دوو کوڕە تەرم خانمە مامووستاگە لە پارکیگ لە شار ئفیرفێڵد نانەسە خاک، تا پولیس پەیای کرد.
پولیس وت: رویداوەگە دویای یەک رووژ لە ئاشکراکردن پلەی خوەنەواری بویە.
دویای ئەوە، خانمە مامووستاگە وە ماشینەگەی رەسیەسە پارکەگە، ک هەر رووژیگ لەو شوینە پیاسە کەێد، و وەگورەی قسەی وەچەودیەیل خانمە مامووستاگە دویای کەمتر لە یەک ساعەت لەو شوینە دەرچگە، و ئەو دوو کوڕە وەگەردی لەناو ماشینەگەی بوینە.
میلەر و گودێل دان وە جیوەجیکردن تاوانیان دان، باوجی هەریەک لەلیان وەشیوەیگ باسی کرد.
میلەر وت: چگەسە پارکەگە، و خوەی زانێد ک گودێل نیاز کوشتن مامووستاگە دیرێد، و وت: گوایە مەوقەی کوشتنی وەدەس برادەرەگەی خوەی تەنیا چەودیاری ئەو ناوە کردگە.
وەرانەو ئەوە، گودێل وت: گوایە خوەی چەودیاری ئەو ناوە کردگە، و میلەر کوشتیەسەی.
رووژنامەی "يو ئێس ئێ تودەی" وت: بانگەشەکار گشتی داوا لە دادوەر کەێد فەرمان ٣٠ ساڵ زیندانی لەبان میلەر دەرکەێد و ٢٥ ساڵ لەبان گودێل.
