وەفروارین کارەبا لە هەزاران کەس لە کەنەدا و ئەمریکا بڕێد

شەفەق نیوز/ وەفرواران خەسیگ لەبان ناوچەیلیگ لە ئەمریکا و کەنەدا ژینان زیاتر لە ٨٠ هەزار کەس سەخت کردیە.  ئیسە زیاتر لە ١٤٥ هەزار کەس لە بەشیگ لە ویلایەتەیل باشوور خوەرهەڵات کارەبا نەیرن، و هەزاران لە کاروانەیل ئاسمانی پۊچەڵ کریا.  

ویلایەتەیل ڤیرجینیا،  و جۆرجیا،  و نۆرت و ساوت کارۆڵینا کەفتنە ئامادەباشی.  

رەوانگەی کەشوهەوای نیشتمانی ئەمریکا راگەیان؛ شایەت بەرزی وەفرەگە لە چەن ناوچەیگ بڕەسێدە ٣٠ سانتیمەتر.   

هەمیش هوشداری کرد ک سایەت ئەو وەفر و یەخە رخیگ لە ریوبان دروس بکەێد، و کارەباگە بووڕێد، و درەختەیلە لەناو بەێد.  وەگورەی ئاژانس ئەسیۆشید پڕیس؛ سەدان رووداوەیل هاتوچوو لەبان ریەیلە بۊیە.