ئەوەسا لەبان نەخشە نیەمینێد.. زانای زەویلەرزەی هۆڵەندی باس پەلامار غەزە وەلایەن ئیسرائیل کەێد

هۆگرێبێتز لە پۆستیگ کە لە هەژمار خوەی لە پلاتفۆرم “X” بڵاوی کرد وت “بایەسە گشت جەهان بووسیەێد و داوای کۆتاییهاوردن وەو جینۆسایدە بکەێد کە خەڵک غەزە تویشی تیەن”.

وتیش: مەزەنەکردن زەویلەرزە هویچ سوودیگ نەیرێد هەناێ ئی کوشتارە وەردەوامە، تەقەلا دەیمن ژیان خەڵک رزگاربکەیمن لەوەختیگ هەزاران کەس کوشیەن"، وتیش "خزمەتگوزارییەیل ئیسە  وسیانە".

مەزەنە کردیش کە کەرتەگە لە نەخشەگە نەمینێد و "غەزە خریەێدە ژیر دەس ئیسرائیل. ئی قسە بخەنە هویردان".

 ئەو پەلامارە کە حەماس لە هەفت تشرین یەکەم گوزەشتە جیوەجیی کرد، زیاتر لە هەزار و 400 ئیسرائیلی لەناوی کوشیان، کە بویە مدوو پەلامار سەختیگ لەلای ئیسرائیل لەبان غەزە کە کوشیان 9 هەزار و 61 کەس لەلی کەفتەو، کە سێ هەزار و 760 مناڵ و 2 هەزار و 326 ژن و 32 هەزاریش زەخمدار بوین، وەگورەی دویاترین زانیارییەیل ئامار وەزارەت تەندروسی فەلەستین.