وەزیریگ لە مەدەغەشقەر ١٢ ساعەت مەلەوانی لەناو دەریا کەێد
شەفەق نیوز/ وەزیریگ لە حکومەت مەدەغەشقەر لە خنکیان رزگار بۊی، ئەوەیش دۊیای کەفتن هەلیکۆپتەرەگەی لە مەوقەی ئەرکیگ، و ناچار بۊی ١٢ ساعەت مەلەوانی بکەێد.
وەزیر پۆلیس سێرج جیلی، ک شەکەت ومانی فرەیگە، وە هەناسە بڕکی وت: جاری مەوقەی مەرگم نەهاتگە.
دوو وەرپرس ئەمنییش وەگەرد وەزیرەگە بۊین رزگاریان بۊی.
تیمیگ وەگەرد وەزیرەگە بۊین لە ئەرک وەشکین بەش باکوور خوەرئەڵات وڵاتەگە، ک لەو شۊنە بەلەمیگ نوقم بۊیە.
سەرۆک ئەنرێ راجوانیا لەبان تویتەر باس خەفەتی لەو رووداوە ئەرا قوربانیەیلە کرد، و دەسخوەشی لە وەزیرەگە و دوو ئەفسەرەگە کرد ک وەجیاجیا رەسینە ناوچەی کناراو ماهامبۆ دۊیای کەفتن هەلیکۆپتەرەگە.
جیلی، ئەو وەزیر ٥٧ ساڵانە، دۊیای رووداوەگە وت: هەر لە ساعەت ٧:٣٠ لە شەو دووشەممە، تا ٧:٣٠ شەوکی سێشەممە مەلەوانی ناو دەریا کردگە، تا رەسیەسە ماهامبۆ.
