وەزارەت تەندروسی غەزە شمارەی قوربانیەیل 24 ساعەت گوزەشتە ئاشکەرا کرد
2024-02-28T16:25:05+00:00
شەفەق نیوز/ وەزارەت تەندروسی غەززە، ئمڕوو چوارشەممە، راگەیان لە ئەنجام پەلامارەیل ئیسرائیل وەبان کەرت غەزە لە ماوەی 24 ساعەت وەرین 76 فەڵەستینی کوشیانە و 110کەسیش زەخمداربویە.
وەزارەتەگە لە بەیاننامەیگ راگەیان، " 7 (تشرینی یه‌كه‌م/10) 2023 و تا ئیسە شمارەی کوشیاگەیل فەلەستینی لە ئەنجام جەنگ ئیسرائیل لە غەززە ئەرا 29 هەزار و 954 کەس بەرزەوبویە، له‌ماوه‌ی 24 ساعەت وەرین، 76 فەڵەستینی کوشیانە و 110 کەسیش زەخمدارە".
ئاشکەرایکرد، شمارەی زەخمدارەیلە لە سەرەتای جەنگەوتا ئیسە رەسیەس ئەرا 70 هەزار و 325 کەس، لەهەمان وەخت شمارەیگ نادیار لە مەردم هێمانگ لە ژیر بینا رمیاگەیل مەننە.
