وەرگری ئیماراتی: ریگری لە فڕۆکەیگ بێفڕۆکەوان کردیمن کە لە ئیرانەو هاتۊد
شەفەق نیوز- ئەبوزەبی
وەزارەت وەرگری ئیماراتی، رووژ دووشەممە، خەوەردا لە ریگریکردن لە فڕۆکەیگ بێفڕۆکەوان کە لەبان ئاوەیل هەرێمی وڵاتەگە فڕیاد، و لە ئیرانەو هاتۊد.
وەزارەتەگە لە بەیاننامەیگ وت، کە هیزە چەکدارەیل لە بەرزترین ئاستەیل ئامادەبۊن و ئامادەن ئەرا رۊوەڕۊبۊن هەڕەشە جۊراوجۊرەیل، و دیاری کرد کە سیستمەیل وەرگری ئاسمانی وەردەوامن وە دریژایی سەعاتەیل رووژ لە چەودیاریکردن و وەدۊاکەفتن ئاسمان.
هەمیش وەرگری ئیماراتی دووپات کرد، کە ئەوەگ لەلایەن میدیایەیل راگەیاننەو باس کریەێد لەباوەت ئامانجگردن بنکەی ئاسمانی مەنهاد وە موشەک دویرە لە راسی.
سوپای پاسداران ئیرانی لە سەعاتەیل گوزەشتە خەوەردا لە ئامانجگرۆن شوینەیل هیزە ئەمریکییەیل لە بنکەی "مەنهاد" لە ئیمارات، و هەردوگ بنکەی مەلیک حسێن و ئەزرەق ئاسمانی لە ئوردن، لە جواو ئەو گورز ئەمریکییە کە دورگەی لارک ئیرانی لە تەنگەی هورمز کردە ئامانج.
