وەرپرسەیليگ حکومەتی لە ئەفغانستان بیسەروشوینن

شەفەق نیوز/ میدیایل راگەیانن ئەفغانستان وتن: بڕێ لە وەرپرسەیل حکومەت رمیاگ یا بیسەروشوینن یا لەلای بزۆتنەوەی تاڵیبان گیر هاتنە، هەرچەن پەیمان وە وەخشین دژمنەیل وەرینیان دان.

کەناڵ تڵوع نیوز، ئمڕوو جمعە، لە زوان بنەماڵەی عەبدولوەلی وەحیدی حاکم وەرین ویلایەت لوغمان, و لوتفەلڵا کامەران فەرماندەی وەرین پۆلیس ویلایەتەگە وت: ئی دوو وەرپرس وەرینە هیمان دیاریان نییە، ک وەرجە پەنج رووژ خوەیان دانە دەس چەکدارەیل تاڵیبان.

کەناڵەگە باس کرد ک هیمان شوین محمد هاشم غەلجی فەرماندەی ناودیار پۆلیس پارێزگای غەزنی نادیارە، ئەوەیش لە زوان هاشم کوڕی.