وێرانکاری فراوانیگ لە باڵەخانەیل وە مدوو گورزەیل ئیران وەبان ئیسرائیل

شەفەق نیوز/ دەزگای راگەیانن عەرەبیە و عیبری، شەوەکی ئمڕوو پەنجشەممە، خەوەردا گورزە یەک لەدویای یەک هەفتەم رووژ ئیران  باڵەخانەیل فرەیگ لە تل ئەبیب ویرانکردیە.

وەپای ئەو میدیایەیلە، ئیران زیاتر لە 30 مووشەک بالستی و درۆن تەقانییە، لە ئەنجام زەرد وە چەن بینایگ رەسیە لەناویان بۆرسەی ئەڵماس لە تلئەبیب، و سەربازگەی لای خەستەخانەی "سوروکا" لەناوچەی حولون" باشوور پایتەخت ئیسرائیل.

وتیش، پەلامارەیل ئیران بوینەسە مدوو زەخمداری دەیان کەس کە سێیانیان زەخمداریان سەختە.

فریاگوزارەیل ئیسرائیلی وتن، نزیکەی 70 کەس تویش زەخمداری هاتنە لە ئەنجام مووشەکەیل شەوەکی ئمڕوو ئیران.

 میدیایەیل ئیران بڵاویکردنە لە دوایین هێرش بارەگایگ فەرماندەیی سوپا و بارەگایگ هەواڵگری و بنکەیگ سوپای ئیسرائیلی لە بێرشێبا کردیەسە ئامانج، لەوانە دامەزراوەیگ کە شمارەیگ فرە  سەرباز و ئەفسەر ها ناوی.