وە دڵنگ جۆکەر و چەقو دریژیگ .. خۊین لەناو قەتار تۆکیۆ رشێد

شەفەق نيوز/ میدیایل راگەیانن یابانی باس کردن ک پیاویگ ٢٤ ساڵان وە دڵنگ (جۆکەر) دوژمنەگەی باتمان، شەو یەکشەممە، پەلامار سوارەیل یەکیگ لە قەتارەیل تۆکیۆ دا، و ١٧ کەس زەخمدار کرد، هەنای فرەی مەردمەگە رۊی وەرەو ئاهەنگی هاوین لە ناوڕاس شارەگە کردن.  

میدیایل راگەیانن وتن: پۆلیس دەسگیر کابراگە لە شۊین رۊیداوەگە ئرد، وتیش؛ پیاویگ لە تەمەن شەسەیلە زەخمەیلی سەختە.    

میدیایل راگەیانن لە زوان وەچەودیەیلە باس کردن ک پەلاماردەرەگە چشتیگ رشانە دەورگرد قەتارەگە ک بۊیە گوڵپەی ئاگریگ.