وە دگانی..کابرایگ سوری لە کنار دەریایگ لە یونان گوش کابرایگ ئیسرائیلی بڕێد
شەفەق نيوز/ دەزگا راگەیاننەیل عیبری راگەیانن، گەشتیاریگ ئیسرائیلی وە سەختی گوشی زەخمدار بویە لەدویای ئەوەگ وەرد شمارەیگ کووچبەر سووری جەنگ کەێد لە کناردەریایگ لە پایتەخت یونان ئەسینا.
رووژنامەی "یەدیعوت ئەحرونۆت" راگەیان، یەکیگ لە کووچبەرەیل سووری قەپ لە گووش گەشتیارە ئیسرائیلیەگە گردیە و بەشیگ لەلی کەنستیە لەناو مەڕافەگەیان، و کە لە ئەنجام وتن دروشمەیلیگ ئەرا فەلەستین لەناویان رویدایە.
رووژنامەی عیبری دیاریکرد، گەشتیاریگ ئیسرائیلی وە سەختی گوشی زەخمداربویە، و دەسڵاتدارەیل یونان لە ئەنجام پەلاماردەر سوریەگە دەسگیرکردنە.
دیاریکرد، هەمیش گەشتیارە ئیسرائیلیەگەش دەسگیرکریاس، کووچبەرەگە سکاڵا لەبانی توومارکردیە وە توومەت "وتارەیل رەگەزپەرەستی"، کە ئیرنگە ئەو ها خەستەخانە لەژیر پاسەوانی.
رویداوەگە لە دویای رووژیگ تێد لە دیدار ناوەین وەرپرسەیل سوریا و ئیسرائیل لە ماوەی 25 ساڵ لە پایتەخت فەڕەنسا پاریس ئەرا تەقەلای کۆنترۆلکردن جەنگ لە باشوور سوریا.
