وڵات میسر: پەلامارەیل حووسی ٨ ملیار دۆلار زەرەد وەپیمان رەسانیە
شەفەق نیوز/ بەدر عەبدلعاتی وەزیر دەیشت و کووچبەری میسر، ئاشکرای کاریگەری پەلامارەیل حووسیەیل وەبان کەشتیەیل بازرگانی لە باب مەندب و باشوور دەریای سوور وەبان وڵاتەگەی کرد.
لە پیشوازیکردنی لە ئەرسینیۆ دومینگیز سکرتێر گشتی ریخریاگ دەریاوانی ناودەوڵەتی وت: پەلامارەیل حووسیەیل وەبان کەشتیەیل بازرگانی کە وەر باب مەندب و باشوور دەریای سوور رەد بوون، زەرەدەیل کەورەیگ وە ئابووری میسر لە داهاتەیل کەتاڵ سویس رەسان کە وە نزیکەی ٦ ملیار دۆلار مەزەنە کریەێد.
دووپات لە گرنگیدان فرەی میسر ئەرا چوارچیوەی کار ریخریاگ دەریاوانی ناودەوڵەتی کرد کە کە بار و هامشوو دەریاوانی گرێدەو، وەگورەی بەیاننامەیگ وەلایەن سایت وەزارەت دەیشت میسری.
لە تشرین دویەم ٢٠٢٣، حووسیەیل دەسکردن وە پولامارەیل وەبان کەشتیەیل کە وتن پەیوەندی وە ئیسرائیل دیرن لە دەریای سوور، و وتنیش ئی پەلامارەیلە ئەرا پاڵپشتیکردن خەڵک غەززە تیەێد.
