یونیسێف لەسەرەتای جەنگەگەی کەرت غەزە تا ئیسە 940 مناڵ گومبوینە
2023-10-31T13:34:24+00:00
شەفەق نیوز/ رێکخریاگ وڵاتەیەکگرتگەیل "یونیسێف"، ئمڕوو سێشەممە، ئاشکەرایکرد شمارەی مناڵە بی گومبویەیل کەرت غەزە رەسیەس ئەرا 940 مناڵ، لەسەرەتای دروسبوین جەنگ لەناوەین ئیسرائیل و بزوتنەوەی حەماس کە لە هەفت مانگ ئۆکتۆبەر کۆنترۆل ئەو کەرتە کرد.
لە کۆنگرەیگ رووژنامەوانی، قسەکەر "یونیسێف" هووشداریدا لە مەترسیەل بەرزەوبوین شمارەی مناڵە شیرەخوەرەی وە مدوو هشکەوبوین، وەگەرد دابینکردن تەنها پەنج لەسەد لە ئاو نوشین.
وەرپرسیگ لە رێکخریاگ تەندروسی جەهانی لەهەمان کۆنگرە رووژنامەوانیە وت گومانلەوە نییە غەزە هاناو قەڵەبالغی و ئاوارەبوین وە کۆمەڵ و زەرەد رەسیە وە ژیرخانەیل ئاو و پاکوتەمیزی.
یەیش لە مەوقەیگ دەسڵاتدارەیل تەندروسی غەزە راگەیان، شمارەی کوشیاگەیل ناوچەگە رەسیەس ئەرا 8525 کەس، فرەیگیان مەدەنین، 3542 مناڵن، وە گورزە وەردەوامەیل ئیسرائیل لە هەفت مانگ ئۆکتۆبەرەو تا ئیسە.
