گومابوین فڕۆکەیگ لە مەکسیک روی وەرەو کۆستاریکا کردیە
2022-10-22T09:39:14+00:00
شەفەق نیوز/ وەزیر ئاسایش گشتی کۆستاریکا، خۆرخی توریس، گومابوین فڕۆکەیگ بویچگ راگەیان، ک دویەکە جمعە لە مەکسیگ باڵ گردیە، و پەنج ئەڵمانی لەناوی بوینە، لە وەرانوەر کناراوەیل کۆستاریکا گوما بویە.
توريس وت: هوشداری وە گومابوین فڕۆکەیگ تایبەت رەسیە ک لە مەکسیک ئەرا فڕۆکەخانەی لیمون روی کردیە وتیش: پەنج هاووڵاتی ئەڵمان لەناو فڕۆکەگە بوینە.
هەمیش وت: لە نزیک لا بارا دی باریسمینا لە ناوچەی دەریای کاریبی لە کۆستاریکا پەیوەندی وەرد تاوەر چەودیریکردن بڕیا، و پرۆتۆکۆل ناوخوەیی خستیمنە کار تا شوینەگەی دیاری بکەیمن.
دووپات کرد ک فڕۆکەگە لە ساعەت ٠٠:٠٠ وە وەخت گرینچ لە رووژ جمعە گوما بویە و کار مینەکردن لە شەو جمعە خریا ئمڕوو شەممە، چوینکە شەو بویە و کەشوهەوا بەد بویە.
