یەک کوشیای و دوو بیسەروشوین و 5 زەخمدار لە ئەنجام رمیان پیەڵیگ لە ئیکوادۆر
شەفەق نیوز/ دەسەلاتەیل ئیکوادۆر، خەوەردان لە کوشیان و بیسەروشوینی و زەخمداری هەشت کەس وە رمیان پیەڵیگ وەداورەوسیاگ خوەرئاوای وڵات.
دەسەی وەڕیەوبردن رخداریەیل خەوەردان کە چوار بارهەڵگر و ماشینیگ و دوو ماتووڕسکڵ کەفتنە ناو ئاو هەناێ پیەڵیگ لە ئاوای داولی وەدویری 50 کیلۆمەتر وەرەو باکوور بەندەر گوایاکیل خوەرئاوای ئیکوادۆر رمیا، کە بویە هوکار کوشیان دوو کەس و بیسەروشوینی دوو کەس ترەک و زەخمداری پەنج کەس.
لەلای یەکیگ لە دیمەیل پیەڵەگە ماشینیگ بارهەڵگر کە زڕات باری کریاس پلیا، دویای ئەوە کە داد لە یەکیگ لە ستوینەیلی.
خانمە دەسەڵاتدار ناوچەی کوایاس، مارسیلا ئەگویناگا لە پۆستیگ لەبان پلاتفۆرم ئێکس نویسان: وەگورەی دەرئەنجامەیل سەرەتایی، بار فرەیگ لەبان پیەڵەگە بویە.
وتیش: بڕیگ ماشین بارهەڵگر لەبان پیەڵەگە رەد بوینە هەناێ رمیاگە.
پیەڵەگە لە وەختیگ رمیا کە ئیکوادۆر وەرز واران رفتیگ وەخوەی دوینێد.
وەگورەی دەسەی وەڕیەوبردن رخداریەیل، 20 کەس لەلای کەمەو گیانیان لەدەسدان و 45 پیەڵ زەرەد وەپییان رەسیە لە ئەنجام لافاو و رمیان زەوی لەوەر وارانە رفتەیل.
