٢٥٠ کوشیای لە ئەنجام دوو تەقینەوە لە ئیران
وەرجەیە، دەسەڵات فریاکەفتن ئیران راگەیان: "شمارەی قوربانیەیل دوو تەقینەوەی تیرۆریستیەگەی کرمان رەسیە 103 کوشیان و 141 زەخمدار".
لەلای خوەییش ئەحمەد وەحیدی، وەزیر ناوخۆی ئیران راگەیان “تەقینەوەی دویەم لە ناز گردبوین خەڵکەگە مەوقەی تەقەلای ڕزگارکردن قوربانیەیل تەقینەوەی یەکەم رویدا”، وتیش: “ئی پیلان نوو درویژەدەر پیلانەیل وەرین دژ وە ئیرانە”.
وەزیر ناوخۆی ئیران وتیش: تەقینەوەیل کرمان پلانیگ نووە کە هیزەیلمان وە شیوەیگ سەختانە و زویوەزی وەڵامی دەنەو.
ئمڕوو چوارشەممە، تەلەفزیۆن دەوڵەت ئیران بڵاو کرد کە تەقینەوەیگ لە نزیک قەور قاسم سولەیمانی، فەرماندەی سپای قودس سپای پاسداران لە پارێزگای کرمان رویدا، و لەلای کەمەو ١٥ کەس زەخمدار بوین.
دویای ئەوە، دەزگای "تەسنیم" ئیرانی بڵاو کرد کە دوو تەقینەوەی تیرۆریستی لەبان ری وەرەو قەور سولەیمانی لە شار کرمان لە باشوور ئیران رویدانە و بوینەسە هوکار دروسبوین رخ و زیڕە لەناو ئەو خەڵکە کە لەو شوینە ئامادەبوین.
پەیوەندییە گشتییەیل ئیدارەی فریاکەفتن لە ئیران لەباوەت بە شمارەی زەخمدارەیل رویداو تەقینەوەگە لە ری ڕەودەت الشوهدا لە کرمان وەگەرد ئاژانس تەسنیم قسە کرد و وت: چەن خولەکیگ وەرجە ئیسە تەقینەوەیگ لە تونێل (کانباد جەبەلیە) رویدا، کە لەناوی ١٥ کەس زەخمدار بوین و ئەرا ناوەندە پزیشکییەیل بریان.
