کوشیان 3 سعودی و زەخمداربۊن کەسەیلیگ ترەک وە دوو "پەلامار" کە فڕۆکەخانەی مەلیک خالید و فڕۆکەیگ مەدەنی کردنە ئامانج
2026-10-09T08:08:56+00:00
شەفەق نیوز - ریاز
دەسەی گشتی فڕۆکەوانی مەدەنی، ئمڕوو جمعە، راگەیان کە فڕۆکەخانەی ناودەوڵەتی مەلیک خالید، دۊکە پەنجشەممە، تۊش دوو "پەلامار" هاتگە کە یەکەمینیان دامەزراوەیل فڕۆکەخانەگە کردە ئامانج، لە وەختیگ دۊەمین فڕۆکەیگ سەر وە کڕەیل سعودی کردە ئامانج، وە دووپاتکردن ئەوەگ تیمەیل فریاکەفتن و لایەنە تایبەتمەنەیل دەسوەجێ دۊای رۊداینیان دەس کردنە رەفتارکردن وەرد ئەو دوو "پەلامارە" وەپەی رێکار و پلانە پەسەنکریاگەیل.
دەسەگە لە بەیاننامەیگ فەرمی وت، کە دوو "پەلامارەگە" بۊنە مدوو کوشیان 3 هاووڵاتی سعودی و زەخمداربۊن شمارەیگ لە هاووڵاتییەیل و نیشتەجیەیل لە رەگەزنامەیل جیاواز، کە زەخمەیلیان لە ناوەین سووک و سەخت بۊ، وە دیاریکردن ئەوەگ زەخمدارەیل وە شیوەیگ دەسوەجێ ئەرا خەسەخانە بریانە، بیجگە لە تومارکردن بڕیگ زەرەد ماددی.
