کوشیان و زەخمداری 14 کەس لەناو بانکیگ لە ئەمریکا
2023-04-11T07:52:16+00:00
شەفەق نیوز/ دەسەڵاتدارەیل ئەمریکا وتن، چەکداریگ لەناو بانکیگ لە شار لویزفیل لە ولایەت کنتاکی، باشوور ئەمریکا تەقەکردیە، لەئەنجام لەلای کەمەو کەم پەنج کەس کوشیان و 9 کەسیش زەخمدارە.
دەزگایل راگەیانن ئەمریکا وتن، چەکدارەگە ناسریاگە وە کونور ستورجۆن و تەمەنی 25 ساڵانە، و فەڕمانبەرە لە بانک تەقەکردنەگە لە ساعەت 8:38 شەوەکی دووشەممە وەپای وەخت ناوخوەیی خوەیان بوی.
فەرماندەی پۆلیس شارەگە، جاکلین جوین فیلاویلوە رووژنامەوانەیل وت: ئەفسەرەیل لەماوەی سێ خولەک رەسینە شوین رویداوەگە وەگەرد چەکدارەگە تەقە لە یەکتری کردنە و کوشتنەسێ.
وتیش، گومانلیکریاگ تەقە لە ئەفسەرەیل کردیە، ئیمەیش وە تەقەکردن جواوی داینە ئی هەرەشەکردنە وسانینە.
