کوشیان و زەخمداری 13 کەس لە ئەنجام تەقەکردن لە ویلایەتیگ ئەمریکی

شەفەق نيوز - واشینتۆن 

دەسەڵاتەیل ئەمریکی، ئمڕوو دووشەممە، خەوەردان لە کوشیان سێ کەس و زەخمداری دە کەس ترەک، لە ئەنجام تەقەکردن لە گەڕەکیگ باشوور شار فیلادێلفیا لە ویلایەت بنسلفانيای ئەمریکا.

موفەوەز پولیس میڤن بیسێل ئەرا رووژنامەنویسەیل وت: سێ کوشیایەگە تەمەنیان ئەوبان هەژدە ساڵانە، و دووان لە زەخمدارەیل ناخاڵەن، دیاری کرد کە تەقەکردنەگە وەرجە ساعەت یەک شەوەکی بویە لەناو جادەیگ نیشتەجیی لە ناوچەی گرايز فيری.

وەگورەی ئاژانس ئەڵمانی "د ب ئ"، بیسێل دیاری کرد کە: فیشەک فرەیگ کەفتیە کە لەبان ئەو ناوچەی نیشتەجییوینە وەشیانە. 

پولیس دووپات کرد کە کەسیگ دەسگیر کریاس چەک وەپی بویە.

بیسێل وتیش: پولیس رەسیە ئەو ناوچە و چەن کەسیگیش دەسگیر کریانە.