یەک کوشیان و ٢٨ زەخمداری وە رمیان شانۆیگ لە ئەمریکا
2023-04-01T07:47:26+00:00
شەفەق نیوز/ یەک کەس لەلای کەمەو کوشیا، و ٢٨ کەیش زەخمدار بوین، لە ئەنجام رمیان قەواسەی شانۆیگ مەوقەی ئاهەنگ مۆسیقایی لە شار بلفیدیر لە ویلایەت ئیلنۆی لەوەر زریانیگ ک دەێدە ناوچەگە.
کەناڵ "ABC" وت: سەدان کەس لە شانۆی ئپۆڵۆ ئامادەی ئاهەنگ موسیقای تیپ "Morbid Angel" هەنای قەواسەگە رمیا، و نویسینگەی خانمە سەرۆک پولیس ناوچەی بۆن دووپات کرد ک داوای ماشینەیل فریاکەفتن فرەیگ ئەرا شوین رویداوەگە کریا.
لەلای خوەییش، پارێزگار ویلایەت ئیلینۆر لەبان تویتەر نویسان: لە نزیکەو چەودیاری رویداو رمیان قەواسەی شانۆی ئەپۆڵۆ لە بلفیدیر کەێد.
وەرجەیە، میدیایل راگەیانن ناوخوەیی باس کوشیان کەسیگ کردن، و زیاتر لە ٥٠ کەس لە ئەنجام زریان ویلایەت ئەرکنساس بریانە خەسەخانە.
