کوشیان و زەخمداری وە تەقەکردن لە ویلایەت کالیفۆرنیای ئەمریکا

  شەفەق نیوز/ شەش کەس لەلای کەمەو کوشیان، و نۆ کەسیش زەخمدار بۊن لە تەقەکردن لەناو شار ساکرامنتۆ لە ویلایەت کالیفۆرنیای ئەمریکا، لە وەخت زۊییگ لە شەوەکی ئمڕوو یەکشەممە.

پۆلیس ساكرامنتۆ لە بەیاننامیگ لەبان تویتەر نۊسان: پۆلیس ١٥ قوربانی لەلای کەمەو لە تەقەکردن دیاری کرد، شەش لەلیان گیانیان لەدەسدان. 

پۆلیس لە وەختیگ گوزەشتە داوا لە خەڵکەگە کرد نەڕەسنە ئەو ناوچە.  پارچە ڤیدیۆیگ لەبان تویتەر نشان کەسەیلیگ دا لەناو جادە دەو کەن، و دەنگ تەقەکردن تیەێد.  

پارچە ڤیدیۆەگە رەسین چەن ماشینیگ فریاکەفتن ئەرا شۊن رۊداوەگە نشان دا. 

پۆلیس هۊردەکارەیلیگ زیاتر لەو رۊداو تەقەکردنە ئاشکرا نەکرد، باوجی لە تویتەگە نۊسان: ئەوەسا لەورا وە خەسی وەردەوام بۊمن، و رۊداوەگە هیمان وەردەوامە.